«AVA QAZAQSTAN» компаниясы Қазақстан Республикасындағы «Сeva SANTE ANIMALE» (Франция) компаниясының ресми дистрибьюторы болып табылады. Бұл француз ветеринарлық компаниясы фармацевтикалық өнімдер мен мал шаруашылығы мен құс шаруашылығына арналған вакциналарды зерттеуге, әзірлеуге, өндіруге және сатуға мамандандырылған.
Компания сарапшылары «Азық-түлік қауіпсіздігі» кафедрасының бірқатар оқытушыларын ауыл шаруашылығы жануарлары мен құстарын вакцинациялау технологиясын оқытады. Алдағы уақытта сертификатталған жаттықтырушы-оқытушылар аймақтағы фермерлік шаруашылықтардың өкілдері мен студенттеріне білім беру қызметін көрсететін болады. Сертификаттау орталығы университетте орналасатын болады, бұл ретте кабинетті қажетті материалдармен және жабдықтармен жарақтандыруды «CEVA SANTE ANIMALE» және «AVA QAZAQSTAN» компаниялары жүзеге асыратын болады.
Осы ауқымды жобаның бастамасы Kozybayev University мен серіктес компаниялар арасында ынтымақтастық туралы үш жақты меморандумға қол қою болды.
Кездесуге өңірдің ірі фермерлік шаруашылықтарының ветеринарлық дәрігерлері, технологтары және мамандары қатысты: «Мамбетов и К» КТ, «Қызылжар Сүт» ЖШС, «Арқалық» ШҚ, сондай-ақ ветеринарлық станция және СҚО Ветеринария басқармасы. Кездесу халықаралық компаниялардың сарапшылары, университет ғалымдары және шаруа қожалықтарының өкілдері арасында тәжірибе алмасуға және жануарлардың денсаулығына қатысты проблемалық жағдайларды талқылауға ықпал етті.
Халықаралық сертификаттың болуы Агротехнологиялық факультеттің түлектеріне еңбек нарығында бәсекеге қабілетті болуға, университетте оқып жүрген кезінде фермерлік шаруашылықтарға ауыл шаруашылығы жануарлары мен құстарын вакцинациялау бойынша аутсорсингтік қызметтер көрсетуге және алған білімдерін мамандығы бойынша одан арғы жұмысында іс жүзінде қолдануға мүмкіндік береді.
