Солтүстік өңірге жұмыс сапарымен келген Бас мүфти Наурызбай қажы Тағанұлы Қозыбаев университеті студенттеріне дәріс оқыды.
Білім алушыларға арнаған өз сөзін: қазіргі заманғы ислам және діни сауаттылықты арттыру мәселесі туралы бастады. «Ислам- адамның бойындағы тамаша адами қасиеттерді қамтитын ерекше дін. Ислам жеке тұлға мен қоғамның жамандықтардан арылып, бейбітшілік пен тыныштықты сақтайтын өмірді ұсынады»-деп бас Имам атап өтті.
Мүфти студенттерді Қазақстан діни басқармасының жұмысымен таныстырып, «Ақпарат және қоғамдық байланыс», «Уағыз насихат», «Оқу-ағарту және әлеумет», «Қайырымдылық», «Ихсан», «Дін мен дәстүр» және «Жат ағымдарын алдын алу» сынды 7 бағытына тоқталды. Кездесуде діни терроризм мен экстремизм, діни ағымдардың шығу тарихы, алдын алу шаралары, теріс пиғылды ағымдарға жастардың ілігу себептері т.б. тақырыптар қозғалды.
Әрбір мешіттің жанында мұсылмандар діни басқармасына қарасты сауат ашу курстары жұмыс жасайды. Мұнда Ислам дінін тереңірек оқығысы келетін жандар үшін үздіксіз тегін дәрістер сабақтары өткізіліп тұрады. Еліміздегі мұсылмандар діни басқармасының қара шаңырағы 1990 жылы 12 қаңтарда «дербес қазақстан мұсылмандары діни басқармасы» болып құрылған болатын.
