Қазан айында бүкіл әлем бойынша академиялық қоғамдастықта #ErasmusDays өтеді. Бұл жоғары білім берудің бірыңғай кеңістігін нығайтуға және дамытуға ықпал ететін еуропа елдері мен Қазақстанды қоса алғанда білім беруді дамытуға арналған жыл сайынғы іс-шара. Оған көрмелер, семинарлар, шеберлік сағаттары, сайыстар мен тәжірибе алмасу бойынша түрлі шаралар кіреді.
Осыған орай, #ErasmusDays аясында біздің ЖОО-да «География және экология» кафедрасы экология тақырыбында 6 бағыт бойынша облыстық байқау ұйымдастырды. Қатысушылар «Поэтикалық шеберлік», «Ана-табиғат» фотосуреттер конкурсы, «Табиғат көзімен» атты бейнеконкурс, оқушылар, студенттер мен магистранттар арасында «Сovid-19 кесірінен қоршаған орта қалай өзгерді» тақырыбында эссе жазу, «Мен қашықтықтан білім беруді қызықты еткім келеді» ғылыми жобалары мен білім алушылардың презентациялары ұсынылды.
Қала мен облыстың 25 білім беру ұйымынан 124 жұмыс келіп түсті. Барлық қатысушыларға сертификаттар, олардың жетекшілеріне алғыс хаттар табысталды. 57-сі жеңімпаз атанып, дипломтармен марапатталды.
Байқаудың нәтижесін осы жерден біле аласыздар.
