Кез келген білім беру мекемесінің табысты жұмысының ең маңызды критерийлері сыбайлас жемқорлық көріністерінің кез келген түріне жол бермеу және білім алушылар мен оқытушылар арасында жемқорлыққа деген мінез-құлықты қалыптастыру болып табылады. Қазіргі таңда осы қағидаларды сақтау облыс мектептері,колледждері мен жоғары оқу орындарында жұмыс істейтін Sanaly urpaq жобалық кеңсесіне жүктелген.
Жиынға Sanaly urpaq республикалық жобалық кеңсесінің басшысы Қайыржан Токушев, СҚО бойынша сыбайлас жемқорлыққа қарсы қызмет өкілдері, сондай-ақ, колледждер мен жоғары оқу орындарының студенттері қатысты.
Жиында қатысушылар сыбайлас жемқорлыққа қарсы іс-қимыл мәселелерін талқылап, сыбайлас жемқорлыққа қарсы іс-қимыл қызметін жетілдіру бойынша өз ойларымен және ұсыныстарымен алмасты. Отырыста олардың одан әрі дамуы мен жұмыс істеуінің міндеттері мен перспективалары анықталды.
Шара барысында ерікті студенттерден құралған клубтардың атқарылған жұмыстары талқыланды. Солардың ішінде жастар арасында адалдық идеясына негізделген сыбайлас жемқорлыққа қарсы мәдениетті қалыптастыру бойынша кешенді тәрбиелік және ақпараттық шаралар аясында парасаттылық мектебін ашу, "Таза сессия" акциясы, тренингтер, воркшоп сынды бірқатар бастамалар іске асырылғаны айтылды.
«Бүгінде студенттер мен педагогтар қоғамға парасаттылық, өз еліне деген адалдықтың үлгісін көрсете отырып, моральдық құндылықтарды жан-жақты қалыптастырып келеді. Адамның сыбайлас жемқорлыққа қарсы мәдениетін дамыту үшін тәрбиелеу, білім беру, ынталандыру процесі қажет. Мен Қозыбаев университетінің жұмысын ерекше атап өткім келеді. Себебі Қазақстанның барлық университеттері арасында Академиялық адалдық лигасына біздің ЖОО енді. Бұл оқу орданың белсенді шаралар қабылдап, сыбайлас жемқорлыққа қарсы іс-қимыл бойынша шараларды іске асыру бағытында нақты жұмыс істеп жатқандығын білдіреді»- деп СҚО бойынша Сыбайлас жемқорлыққа қарсы қызмет басшысының бірінші орынбасары Нұрлан Жахин атап өтті.
Жиынның соңында барлық білім алушылар естелік сертификаттармен марапатталды.
