«М.Қозыбаев атындағы Солтүстік Қазақстан университеті» КеАҚ Тіл және әдебиет институты «Практикалық қазақ тілі» кафедрасының ұйымдастыруымен 2021 жылдың 8-25 қазаны аралығында Қазақстан Республикасының 30 жылдығын атап өту аясында «Ұлы даланың ұлы тұлғалары» тақырыбында эссе байқауы өткізілді.
Эссе байқауын өткізудің мақсаты – орта арнаулы оқу орындары, орта мектеп оқушыларын, ЖОО білім алушыларын Отанды сүюге, өз елін, тарихын білуге ынталандыру; сонымен қатар жастардың бойында ұлттық сананы оята отырып, олардың туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру. Шараға қала мектептерінің 11-сынып оқушылары, жоғары және орта арнаулы оқу орындарының І курс студенттерін қатыстыру мақсатында ережесі жолданды.
Қатысушылардың жұмыстары 2021 жылдың 25 қазанына дейін қабылданды. Талапқа сәйкес облыстың барлық орта білім беру мекемелерінен келіп түскен жұмыстардың саны – 77.
Барлық жұмыстардың ішінен Дадашова Тахмина (қазақ тілінің мұғалімі Өмірзақова Айман Ғалымқызы), Чайкин Даниил (қазақ тілінің мұғалімі Байзульда Зура) деген білім алушылардың жұмысын атап айтқан жөн. Аталған оқушылар өз жұмыстарында ұсынылған тақырыпты жан-жақты зерделеп, өз пайымдауларын баяндауға тырысқан.
Жұмыстарды тексеру қорытындысы бойынша Петропавлл қ. № 10 мектептің оқушысы Дадашова Тахмина – І дәрежелі дипломмен, Тайынша қ. №1 орта мектептің оқушысы Чайкин Даниил, Петропавл қ. «№8 орта жалпы білім беретін эстетикалық тәрбие мектеп-кешенінің оқушысы Семенова Вероника – ІІ дәрежелі дипломмен, Петропавл қ. № 10 мектептің оқушысы Горбунова Дарья, М.Айтқожин атындағы №1 мектептің оқушысы Чмир Мария, Қызылжар ауданы, Петерфельд орта мектебінің оқушысы Грабовская Валерия – ІІІ дәрежелі дипломмен марапатталды. Сондай-ақ, орыс мектебінде оқитын ұлты қазақ оқушыларының жұмысы төмендегідей қорытындыланды: Петропавл қ., «Дарын» мектеп-лицейінің оқушысы Қожағұлова А. – І дәрежелі диломмен, «БЕСТ» гимназиясының оқушысы Маукенова Индира – ІІ дәрежелі дипломмен, Мамлют мектеп-интернатының оқушысы Азимбаева Т., №2 Новоишим орта мектебінің оқушысы Омарова Тамила – ІІІ дәрежелі дипломмен марапатталды.
Биылғы жылы бірқатар жұмыс облыстың қазақ тіліндебілім беретін мектептері оқушыларынан да келіп түсті. Оның қорытындысы келесідей: Уәлиханов ауданы Озерный орта мектебінің оқушысы Әшімова Жарқынай – І дәрежелі диломмен, Мамлют ауданы Ленин орта мектебінің оқушысы Жумина Мадина – ІІ дәрежелі дипломмен, Ғ. Мүсірепов ауданы Тоқсан би орта мектебінің оқушысы Каршалова Дарина, Петропавл қ. «әл-Фараби» мектеп-лицейінің оқушысы Ташимова Аружан – ІІІ дәрежелі дипломмен марапатталды.
Жеңімпаз оқушыларға алдағы уақытта да биік жетістіктерге жетуді тілей отыра, олардың пән мұғалімдеріне қазақ тілін дамытудағы орасан еңбектері үшін алғыс білдіреміз.