16 қараша күні Астана қаласында өткен «Жас Отан» Жастар қанатының ІІ құрылтайына біздің унивеситеттен 24 делегат қатысты.
Құрылтайдың ең басты оқиғасы, қатысушылардың айтулары бойынша, Елбасы Нұрсұлтан Назарбаевтың сөзі. Президент тәуелсіздіктің бірінші күнінен бастап жастарды қолдау мәселесі мемлекеттік саясаттың назарында болғанын анық айтып өтті.
«Болашақ», «Жасыл Ел», «Жастар кадрлар резерві», «Жастар практикасы» және т.б. мемлекеттік бағдарламалар жүзеге асырылды. Мысалы, «Дипломмен ауылға» бағдарламасы бойынша біздің университеттің 50 түлегі ауылға жолдама алды.
Сонымен қатар, 2020 жылға дейінгі «Жас Отан»Жастар қанаты Стратегиясының қабылдануы құрылтайдың маңызды бір сәті болды. Бұл құжат ұзақ мерзімді мақсаттар декларациясы ғана емес, ол ойшыл, еңбекқор, селқос емес жастардың әрекет жасау үшін басшылыққа алатын нұсқауы.
Құрылтайға қатысушылар осы бастамалар жайында біздің студенттермен бөліскенді жөн көреді.