Бір ай бойы «Экономика және есеп» кафедрасының студенттеріне Миколас Ромерис (Вильнюс.қ) атындағы Литва университетінің профессоры Саулюс Нефас дәріс береді. Ол көптілді топтарға ағылшын тілінде «Билік органдарындағы сапа менеджменті» курсын жүргізбек. Қозыбаев университетіне шетелдік маман ҚР Білім және ғылым министрлігінің бағдарламасы бойынша төртінші рет келіп отыр. Ол алғаш рет 2018 жылы университетімізге келіп, дәрістер оқыған болатын. Университетте ғылым департаментінің директоры қызметін атқарып, пандемия кезінде онлайн сабақтар жүргізді.
Бұл жолы студенттермен өткізілетін сабақтардан басқа, БППК аясында профессорлық-оқытушылар құрамы үшін білім берудегі менеджмент бойынша курстар өткізеді. Сондай-ақ, ғалымдарымызбен бірге семинарларға қатысып, бейне-дәрістер жазып, халықаралық ғылыми журналдарда мақалалар жариялау жоспарланған. Шетелдік маманның өзі атап өткендей, ол Қазақстанның солтүстік өңіріндегі ең ірі жоғары оқу орнында жұмыс істей бастағанына қуанышты. Еуропалық білім беру принциптерін қолдана отырып, студенттер мен әріптестердің құзыреттілігін кеңейтіп, тәжірибе мен білім алмасуға дайын.
Саулюс Нефас орта мектептің тарих мұғалімінен Литва парламентінің депутаты қызметіне дейін қызмет атқарған азамат. Ол, сондай-ақ, Литвадағы жергілікті билік органдары қауымдастығының оқу-кеңес орталығында сарапшы-кеңесші қызметін атқарды.
