Қозыбаев университетінде 9-11 сынып оқушылары арасында «Химия және өмір» облыстық олимпиадасы өтті. Сайысты «Химия және химиялық технология» кафедрасы ұйымдастырды. Жарыста қала мектептерінен 3 қатысушыдан құралған 5 команда жеңіс үшін бақ сынасты.
Олимпиада ережесіне сәйкес екі сағаттың ішінде қатысушылар барлық тапсырмаларды орындаулары тиіс еді. Алғашқы тапсырмада оқушылар химия мен шынайы өмірдің байланысы туралы екі теориялық мәселені шешу қажет болды. Бұл жерде ең бастысы – білім, тапқырлық және топтық жұмысты көрсету. Келесі ең маңызды кезең ол практикалық. Ол үшін сайыскерлер су мен тұз қышқылын қолданып, заттардың қоспасын бөлу жолдарын ойлап табуы керек болды. Екінші бөлімде сапалық реакцияларға негізделген заттарды анықтау бойынша тәжірибелік тапсырмалар орындалды. Екі кезең бойынша жоғарғы көрсеткіш – 100 ұпайды құрайды.
Олимпиада барсында қазылар алқасы тәжірибелердің барысы, қауіпсіздік шараларының сақталуы және заттарды қолданудың ұтымдылығын бағалады. Сайыс нәтижесі бойынша қола жүлдені оқушылар сарайының командасы жеңіп алды. Өз білімдерін ЛОРДтың дарынды балаларға арналған облыстық мамандандырылған мектеп-лицей-интернатының құрамасы дәлірек дәлелдей білді. Оқушылар сарайының жас дарындары да "Үздік химик" атағын алды. Нәтижесінде мектеп оқушылары кез келген тапсырманы орындай алатынын дәлелдеп шықты.
