Жоғары оқу орнында «Қазақ тілін оқытуда пікірталас технологиясын қолдану әдістемесін жетілдіру» атты облыстық ғылыми-әдістемелік семинар өтті. Дебаттық жүйенің көмегімен қатысушылар тілді меңгеруде мектеп, колледждер мен жоғары оқу орындарында білім алушылардың мемлекеттік тілде сөйлеуін одан әрі дамытпақ. Сондай-ақ, семинарға қатысушылар қоғамда мемлекеттік тілдің қолдану аясын кеңейту үшін жағдай жасауға ықпал ететін болады, дейді.
Қозыбаев университетінің оқытушыларынан бөлек семинарда СҚО Тілдерді оқыту орталығының қызметкерлері, ҚР ҰҰ әскери институтының оқытушылары баяндамаларымен бөлісті. Білім басқармасының Білім саласындағы әдістемелік жұмыс және ақпараттық технологиялар орталығының өкілдері, мектеп және колледж мұғалімдері де онлайн түрде қатысты.
Жиын барысында «Тілді жетілдірудегі дебаттық технологиялардың орны» (Т.А. Ахметова), «Пікірталас технологиясын қолдану арқылы студенттердің пәнге деген қызығушылығын арттыру» (С. Ж. Жуанышпаева), «Тілді дамыту бойынша мемлекеттік қызметшілермен жұмыс» (О. С. Жанатов) және тағы басқа өзекті тақырыптар қозғалды. Қорыта келе, пікірталас технологиялары оқушылардың коммуникативтік мәдениетін қалыптастыру құралы ретінде және еркін сөйлеу мен ойлауға түрткі болмақ.
