Медицина факультетінің студенттері жоғары білікті дәрігер Нұрбек Нәдіровпен кездесті. Қазіргі уақытта ол Нұр-сұлтан қаласы «Ана мен бала ұлттық ғылыми орталығы» «UMC» ҚҚ травматолог-ортопед, вертебролог болып жұмыс істейді. Омыртқа деформациясы бар науқастарға ота жасайды. Нұрбек Нәдірұлы – ҚР БҒМ жанындағы жас ғалымдар кеңесінің, Солтүстік Америка жұлын хирургтары қауымдастығының (NASS) және Ресей вертебролог-хирургтары қауымдастығының мүшесі.
«Кәсіби қызметке кіріспе» пәні аясында ол болашақ дәрігерлерге дәріс оқып, онда ол өзінің тәжірибесінде дәрігердің «маман» болып қалыптасуы туралы айтты. 2007 жылы Қарағанды мемлекеттік медицина академиясын тәмамдаған. Содан кейін, интернатура және резидентурада білімін жеілдіріп, жалпы 14 жыл дәргер маманына оқыған. Травматолог-ортопед бола тұра, ғылыми қызметін бірге алып жүрген. Кандидаттық диссертациясын қорғап, PhD докторы дәрежесіне ие.
Студенттерді кәсіби шеберліктің құпиялары, мамандық таңдаудағы мотивация, табысты мансап құру принциптері қызықтырды. «Сіз бірінші курс студенттеріне оқу тұрғысынан не тілейсіз?», - деген болашақ маман иелерінің сауалына. «Ең бастысы – өзін-өзі дамыту, медициналық әдебиеттерді үнемі оқу, ғылыми әлеуетін арттыру», - деп жауап берді. Сондай-ақ, Нұрбек Нәдіров: «Солтүстік Қазақстанда кадрлар жетіспеушілігінің өткір проблемасы тұр. Бірақ қазір Петропавлда өз мамандарын даярлау жұмыстары жүргізіліп келеді. 3-4 жылдан кейін бұл мәселе шешіледі деп ойлаймын",- деді.
Ол медицина факультетінің зертханалық базасын, ПОҚ, білім алушылармен жақынырақ танысып және енді жұмысын бастап келе жатқан, бірақ болашағы зор біздің медицина факультетіне әрі қарай дамуды тіледі.
