Қозыбаев университетінің көшбасшылық білім беру орталығында DeSTT жобасы аясында «Құзыреттілікті дамыту және көшбасшылық саласындағы мұғалімдерді даярлау» Erasmus+ бағдарламасы бойынша «Өрлеу» БАҰО тренерлеріне арналған екі күндік республикалық тренинг өтті.
Біріншісі: «Педагогика және психология» кафедрасының аға оқытушысы Наталья Волчкова мен «Педагогика және психология» ББ магистранты Камила Дюсембекова «Эмоционалды зияткерлік және көшбасшылық» тренингін өткізді. Ал «Педагогика және психология» кафедрасының аға оқытушысы Айгүл Нұрпейісова магистрант Әйгерім Сағандықовамен бірлесіп «Қазақстандағы инклюзивті білім беру» тренингін ұйымдастырды.
Іс-шаралар Кенжеғали Сағадиев атындағы халықаралық бизнес университетінің жұмыс тобымен бірлесе өтті. Естеріңізге сала кетейік, біздің университетімізде «Көшбасшылық білім беру» орталығы өткен жылы көшбасшылық саласындағы педагогтердің кәсіби құзыреттілігі мен біліктілігін арттыру үшін ашылған болатын.
