Қазақстан көп ұлтты мемлекет. Ұйғырлар халық саны бойынша елде бесінші орында. Олар Қазақстанмен шакаралас Қытай Халық Республикасының Шыңжаң Ұйғыр автономиялық ауданында, еліміздің оңтүстік аймақтарында шоғырланған. Сондай-ақ, ел бойынша өзге облыстарда да тұрып жатыр.
«Халықтану» интерактивті білім беру лекториясы аясында университет студенттеріне «Қазақстан тарихы және әлеуметтік гуманитарлық пәндер» кафедрасының спикері Зылиха Бимақанова мен «Шет тілдері» кафедрасының спикері Наталья Шевелева 3 тілде дәріс оқыды. Шара «Қазақстан халқы Ассамблеясы» кафедрасымен бірлесе ұйымдастырылып, ұйғыр халқының қалыптасу тарихы, салт-дәстүрлері, оның мәдени өзгешелігі жайлы сөз қозғалды.
Студенттер Қазақстанда тұратын ұйғырлардың этномәдени мұраларының сақталуымен, олардың этномәдени бірлестіктерінің қызметімен және республикалық ұйғыр театрының жұмысымен коса, Ғ.Сәдуақасов атындағы ҚР ХҒА Шығыстану институты жанындағы ұйғыр ғылыми-зерттеу орталығының және ұйғыр тілінде оқытатын мектептермен танысты. Спикер ретінде арнайы Нұр-Сұлтан қаласынан діндерді зерттеу орталығының сыртқы сарапшысы Олег Синяков шақырылып, студенттерді тарихи ретроспективада ұйғырлардың діни нанымдары туралы баяндама оқыды.
