Қозыбаев университетінің негізгі серіктестері– Аризона және Назарбаев университетері. Жергілікті ЖОО осы аталған білім ордаларының білім беру жүйелерін қолдана отырып, одан әрі дамығысы келеді. Бірнеше апта бойы 60-тан аса қызметкерлер мен ПОҚ Назарбаев университетінде онлайн оқудан өтті. Олар білім беру бағдарламаларын қалай құру туралы дәрістер тыңдап, академиялық және ғылыми мәселелерді талқылады.
Али Айт Си Мхамед – жоғары білім беру мектебінің доценті және Джейсон Спаркс – Назарбаев Университеті деканының оқу ісі жөніндегі орынбасары екі күн бойы біздің ЖОО басшылығымен және ұжымымен кездесті. Олар академиялық және ғылыми мәселелер, басқару қызметінің аспектілері бойынша тәжірибелік вебинарлар мен консультациялық сессиялар сериясын өткізді. Оқу жоспарын, академиялық бағдарламаларды әзірлеу, бағалау, сапасын қамтамасыз ету бойынша семинарлар, воркшоптар сынды бағдарламалар болды. Солтүстікқазақстандық әріптестермен бірге қонақтар ғылыми коллаборация мысалдарын қарастырды.
Біздің оқытушылар мен қызметкерлер жоғары оқу орындарындағы менеджментті жетілдіру, ЖОО-дағы академиялық адалдық саясатын іске асыру, білім беру процесін цифрландырудың жаңа мүмкіндіктері мен перспективалары, инклюзивті білім беру бойынша өз жобаларын ұсынды. Назарбаев Университетінің тәжірибесі біздің ЖОО-ның білім сапасын жақсартуға мүмкіндік береді.
