«Sanaly urpaq» жобалық кеңсесі университет магистранттары арасында сыбайлас жемқорлыққа қарсы байқау ұйымдастырды. Білім алушылардың сыбайлас жемқорлыққа қарсы дүниетанымын қалыптастыру шараның басты бағыты.
Сыбайлас жемқорлықпен күрес тақырыбында 6 адам өз жұмыстарын таныстырды. Жобалар плагиат, сөз байласу, бұрмалау, басқа білім алушылардың жұмысына кедергі келтіру, имперсонация және т. б. тақырыптарға арналды. Қатысушылардың жұмыстарын «Qyzyljar-Adaldyq alany» жобалық кеңсесінің, университет басқармасының өкілдері және ЖОО комплаенс-офицерлері бағалады.
Байқау қорытындысы бойынша 1 орынды студенттердің сыбайлас жемқорлыққа қарсы картасын жасаған Илья Лыгин жеңіп алды. Жүлделі екінші орынды плагиат туралы жұмысын ұсынған Камиля Қошан қанағат етті. Осы тақырыпта жобаны Арман Бауен де ұсынып, үздік үштікті қорытындылады.
9 желтоқсан– халықаралық сыбайлас жемқорлыққа қарсы күрес күні. Сондықтан, қатысушылар мен жеңімпаздарға қосымша сыбайлас жемқорлыққа қарсы қызметі атынан сыйлықтар мен сертификаттар беріледі.
