Петропавлдағы алғашқы Хакатонның ұйымдастырушылары Қозыбаев университеті мен «Astana Hub» халықаралық технопаркі болды. 6 сағаттық байқау, тәжірибелі сарапшылар, 900 000 теңге жүлде қоры, демеушілер атынан сыйлықтар, қатысушылардың жеңіске деген ынтасы. Қала мектептерінің оқушылары, колледждердің және ЖОО-ның студентері өзара IT саласындағы білімдерін салыстырып, бақ сынасты. Қатысушылар 5 адамнан 15 командаға бөлінді.
Болашақ бағдарламашылар қысқа уақыт ішінде біздің аймақтың өзекі мәселелерін шешу үшін өз жобаларын ұсыснулары тиіс болды. Атап айтқанда, СҚО-да IT-мамандарды жұмысқа орналастыру орталығының аналогы – бірегей ақпараттық өнімді әзірлеу, ол жас айтишниктерге жұмыс табуға, ал болашақ жұмыс берушілерге жас және белсенді кадрларды таңдауға көмектеседі.
«Әрине, жарыста болатын тапсырмаларды қатысушылар білген жоқ. Олар минималды өміршең өнімді жасайды. Бұл сайт, қосымша, Telegram-бот, YouTube арнасы, SMM-жылжыту және т.б. болуы мүмкін. Біздің іс-шарамыздың басты артықшылығы мен мақсаты – жұмыс берушілер өздеріне әлеуеті зор қызметкерлерді таба алады»,-деді «Astana Hub» өңірлік менеджері Иван Бухонин.
Брейнстормингтен кейін балалар қазылар алқасына өздерінің жобаларын таныстырды. Қазылар алқасының мүшесіне Geoscan Kazakhstan, Гем СК фирмасы ЖШС, 1С Арида, it LABoratory, Technodom, Эдванс, ИНТЕГРО, АНТИС МЕД, «Қазақтелеком» АҚ сияқты ұйымдастырушылардың серіктестері болып табылатын компаниялардың басшылары кірді.
Нәтижесінде 150 мың теңге Назарбаев Зияткерлік мектебінің құрама командасына бұйырды. Қозыбаев университетінің командасы шығармашылығымен ерекшеленіп, олар 250 мың теңге ұтып алды.
Сондай-ақ, қазылар алқасы ең басты бірінші орынды біздің студенттерге де берді. Олар, Дарья Серікова, Анастасия Курьянова, Оксана Вагина, Евгений Кушманов, Руслан Бұрханов өздерінің идеялары мен дайындаған жобаларымен көзге түсіп, жарты миллион теңге жеңіп алды. Сонымен қатар, қатысушылар демеушілер атынан сыйлықтарға да ие болды. Іс-шара қатысушылар үшін өз шеберліктерін шыңдауға, бизнес-қоғамдастық өкілдерімен танысып, тілдесуге, тың идеяларды таныстыруға және жаңа таныстар табуға бірегей мүмкіндік болды. Хакатон Алма-матер қабырғасында дәстүрге айналып, жыл сайын жас IT-мамандарды біріктіретін болады деп үміттенеміз.
