Қозыбаев университетінің «Пилигрим» студенттік театры биылғы жылы алғашқы спектаклін сахналады. Жас актерлер Ұлы Отан соғысы туралы ең әсерлі және қайғылы шығармалардың бірі – Борис Васильевтің «А зори здесь тихие» повесін таңдапты.
Оқиға бес зенит-артилериялық полкының жауынгер қыздары туралы баяндалған. Әрбіреуі бейбіт өмір, отбасылық махаббат пен жақындарының амандығын тілеп, армандап жүрген еді. Алайда, қолдарына қару алып, елді қорғап соғысқа аттануға мәжбүр болды. Қорқыныш, үрей, қаншама көз жасы, қан мен тер төгілген күндерге қарамастан жауынгерлік міндетерін орындай алды, бірақ, қандай бағамен…
Бұл қаһармандық әрекеттің маңыздылығын біздің жас әртістеріміз сезініп, көрермендерге жеткізе білді. Жас өнерпаздар актерлік шеберліктерінің арқасында әр кейіпкердің қиын тағдырын көрсете алды. Қыздардың әзілдерінің артында туыстары, күйеулері, балалары мен орындалмаған жоспарлар туралы мұңы мен азабы жатыр. Спектакль көрермендердің көңілінен шығып, ержүрек қыздар мен старшинаның оқиғасы ешкімді де бей-жай қалдырмады.
Бұл актерлік труппа үшін ғана емес, «Мәдени- тынығу жұмысы» мамандығының бірінші курс студенті Елизавета Гуляеваның да осы маусымдағы алғашқы жұмысы болды. Ол «Пилигрим» театрының режиссері. Бұған дейін режиссерлық тәжіриесі болмағанына қарамастан, «А зори здесь тихие» қойылымы жоғары деңгейде өтті. Біз де жоғары оқу орнымыздың талантты студенттерінен жаңа премьераларды асыға күтеміз!
