ҚР Тұңғыш Президенті Күніне орай ЖОО-да ел тәуелсіздігінің қалыптасуы мен дамуындағы Ұлт Көшбасшысының рөлі мен жасампаз идеяларын, сондай-ақ, Нұрсұлтан Назарбаевтың «Мемлекеттіліктің жеті тірегі» тұжырымдамасының негізгі қағидаларын талқылауға арналған кездесу өтті. Тұңғыш Президент халқымыздың дүние танымының түпкі мәнін тап басып, оның ең асыл қасиеттеріне жүгінді.
«Елбасы бұл тұжырымдаманы Nur Otan партиясы саяси кеңесінің кеңейтілген отырысында таныстырды және ол жаңа дәуірдегі қазақстандықтар үшін бағдар болды. Кеңесте партияның саяси тұғырнамасы негізінде әрбір қазақстандыққа жақын және түсінікті болатын 7 құндылық айтылды. Бұл адам, бостандық, заңның үстемдігі, әділеттілік, ынтымақтастық, болашаққа ұмтылу, отбасы және дәстүрлер. Қағидалар жинағы-бұл Елбасының саяси практикасын саяси-философиялық тұрғыдан ұғыну және қорыту. Онда халқымыздың озық тәжірибесі, сондай–ақ, тарихи-мәдени тәжірибесі ескерілген. Бұл Тәуелсіздіктің жетістіктерін көрсететін іргелі құжат. Ұлт көшбасшысы болашақ ұрпаққа егеменді Қазақстан көшбасшылығының ауқымды формуласын беретін осы жиынтықты ұсынды», - деп Басқарма төрағасы-ректор Ерлан Шуланов атап өтті.
Елбасы «Мемлекеттіліктің жеті тірегі» тұжырымдамасында Қазақстан халқының сан ғасырлық қасиетті арманын – тәуелсіздікті жариялау, мемлекеттілікті жандандыру және нығайту басты жетістік деп санайды.
Спикерлердің баяндамаларын талқылағаннан кейін біздің университеттің қызметкерлері мен оқытушылары қатарынан Nur Otan партиясының жаңа мүшелеріне куәліктер салтанатты түрде табыс етілді.
