ЖОО-да «Jas Otan Cases» диалог алаңы өтті. Университет студенттеріне арналған іс-шара Nur Otan партиясының «Jas Otan» жастар қанатымен ұйымдастырылып, «Елдіктің жеті тұғыры» тақырыбына арналды. Кездесудің мақсаты – жастардың, өңірдің беделді қоғам қайраткерлерімен, депутаттармен, партия жетекшілерімен және т.б. тілдесіп, диалог өткізу.
Спикерлердің бірі қалалық мәслихаттың депутаты, «Бүкілқазақстандық Кекушинкай каратэ ұйымы» Республикалық қоғамдық бірлестігінің Солтүстік Қазақстан филиалының директоры Владимир Витченко болды. Сондай-ақ, Қозыбаев университетінің инновациялар, интернационалдандыру және трансформация мәселелері жөніндегі Басқарма мүшесі Дәмель Мектепбаева, Жастар ресурстық орталығының директоры Әлфараби Мыңбай, «Jas Otan» ЖҚ СҚОФ «Болашақ» бөлімшесінің басшысы Зәмзәгүл Жұматова өздерінің кәсіби тәжірибелерімен және өмірлік ұстанымдарымен бөлісті.
Студенттер өздерін қызықтырған сұрақтарын қойып, ел Тәуелсіздігінің қалыптасуы және осы үдерістегі Елбасының маңызды рөлі туралы өз пікірлерін білдірді.
