Университетте «Экологиялық-географиялық білім берудің өзекті мәселелері» атты халықаралық ғылыми-әдістемелік семинар өтті. Спикерлердің бірі Румынияның Яссы қаласындағы Александр Иоан Куза университетінің жетекші ғылыми қызметкері Дорин Лозовану болды. Ол мұражайтанудағы географияның рөлі туралы баяндама жасады. Профессор мұражай ісінің тарихы мен дамуын қарастыратын бұл ғылым көптеген салалардағы, соның ішінде, географиядағы теориялық білімді біріктіретінін түсіндіріп өтті.
Сондай-ақ, Петропавл қаласының мектеп мұғалімдері де өз баяндамаларын ұсынды. Олар семинарға қатысушылармен талантты және дарынды оқушыларды оқытудың тәжірибелерімен, тәсілдерімен және әдістерімен бөлісіп, география сабағында топонимдерді пайдалану туралы айтып берді. Өзекті педагогикалық проблемаларды анықтау білім беру саласының қызметкерлеріне география мен экологияны дамытудағы қоғамдық маңыздылық пен қажеттілікті түсінуді жақсартуға көмектеседі. Семинар офлайн және ZOOM платформасында өтті. Іс-шара соңында барлық қатысушылар сертификаттармен марапатталды.
