Қозыбаев университетінің декандары мен басқарма мүшелері Каунас қ. (Литва) Витаутас Магнус университетінің өкілі Саулюс Мицкевичпен кездесті. Бұл жоғары оқу орны біздің университетпен бұрыннан бірлесе жұмыс атқарып келеді. Ынтымақтастық шеңберінде "Биология", "Биотехнология", "Экология" бағыттары бойынша магистратура мен бакалавриаттың екі дипломды білім беру бағдарламалары белсенді іске асырылуда. 2018 жылдан бастап бүгінгі күнге дейін 16 білім алушымыз Еуропалық үлгідегі дипломға ие болды.
Кездесуде студенттер мен ПОҚ-тың академиялық ұтқырлығын дамыту, жаңа қос дипломды бағдарламаларды әзірлеу, Эразмус+ жобасына қатысу мәселелер талқыланды. Біздің университет үшін молекулярлық биология саласындағы ғылыми және академиялық ынтымақтастық перспективалары аса қызығушылық тудырды. Ал, Саулюс Мицкевичус жергілікті ЖОО және Солтүстік Қазақстанның ұйымдары базасында Витаутас Магнус университетінің студенттері үшін практиканы ұйымдастыру мүмкіндігін айқындады.
