Қозыбаев университетінің жас ғалымдар кеңесі студенттерді ғылыми-зерттеу бағытына ынталандыру және ғылыми білімді кеңінен насихаттау мақсатында тұрақты түрде байқаулар ұйымдастырып отырады. Бұл жолы студенттер «Университеттегі ғылыми-зерттеу қызметім» тақырыбында бейнероликтер дайындады. Байқау екі апта бойы барлық факультеттердің 1–4 курстарының студенттері арасында өтті. Қатысушылардың ғылыми-зерттеу қызметінің әртүрлі бағыттары бойынша жұмыстары қабылданды. Дегенмен, қабылданған 15 өтінімнің 10-ы негізгі кезеңге іріктеліп алынды.
Нәтижесінде, «Лак-бояу өнеркәсібінде қағаз қалдықтарын пайдалану» атты жұмысымен МЖҒФ «Химия және химиялық технология» кафедрасының 3 курс студенті Дарья Козик бейнеролик байқауының жеңімпазы атанып, 50 000 теңге көлемінде ақшалай сыйлыққа ие болды! Ал, II орын мен 30 000 теңге Тарих, экономика және құқық факультеті, «Журналистика» кафедрасының 4 курс студенті Вячеслав Чинишловқа бұйырды. Вячеслав өзінің шығармашылық жұмысын жасау барысында қазіргі ғылыми кеңістікте полимат ғалымдардың қажеттілігі туралы дипломдық жұмыстың дәйектілігін негіздеуге ерекше көңіл бөлді. «Химия және химиялық технология» кафедрасының 3 курс студенті Полина Савельева 3 орынды қанағат тұтты. Бойжеткен асфальтбетонды жабындардың құрамын оңтайландыру бойынша өнімділік сипаттамалары жақсартылған бейнеролик ұсынған. Жүлделі орынмен қатар 20 000 теңге көлемінде қаражатқа ие болды.
Байқаудың барлық қатысушылары сертификаттармен марапатталды. Студенттерді шын жүректен құттықтап, ғылыми ізденістеріне табыс тілейміз!
