2021 жылдың 10 желтоқсанында Педагогикалық факультет, “Бастауыш және мектепке дейінгі білім берудің теориясы мен әдістемесі” кафедрасы Қазақстан Республикасы Тәуелсіздігінің 30 жылдығына арналған «Тәуелсіздік - біздің ең басты игілігіміз, баға жетпес құндылығымыз» атты дөңгелек үстел өткізді.
Дөңгелек үстелдің мақсаты мен міндеттері: патриотизмнің аса маңызды рухани-адамгершілік және әлеуметтік құндылық ретінде қалыптасуы; ұлттық мақтаныш сезімін, азаматтық қадір-қасиетін түсінуіне жағдай жасап, Отанға деген сүйіспеншілікке тәрбиелеу.
Іс-шара барысында жас ұрпаққа Тәуелсіздіктің 30 жылдық мерейтойының маңыздылығы және Қазақстанның Тұңғыш Президенті Нұрсұлтан Әбішұлы Назарбаевтың тәуелсіз мемлекеттің қалыптасуы мен дамуындағы сіңірген еңбегі туралы айтылды. Сондай-ақ қазақ халқының сан мыңжылдық тарихы, Тәуелсіздік жылдарындағы жеткен жетістіктерінің хронологиясы сараланды.
Студенттер дөңгелек үстел барысында өз пікірлерімен белсене түрде бөлісіп, құрдастарын өз елінің тарихын білуге, елін сүюге ынталандырды.
Іс-шара соңында халық мұрасын тануға серпін беретін «Желбірей бер, Тәуелсіздік байрағы» атты виртуалды таныстырылым ұсынылды.