13 желтоқсаннан бастап университетте қысқы сессия басталды. Жыл сайын дәстүрлі түрде Қозыбаев университетінде «Таза сессия» акциясын «Sanaly urpaq» жобалық кеңесі ұйымдастырады. Негізгі мақсаты – емтиханның ашықтығын қамтамасыз ету және жоғары білім беру жүйесінде сыбайлас жемқорлық көріністерінің алдын алу және студенттер мен оқытушылар арасында адалдық құндылығын кеңінен насихаттау.
Қысқы сессияда университет бойынша 2813 емтихан өтеді, оның ішінде жазбаша емтихандар - 2464, КТ – 52, ауызша – 179, жоба қорғау – 50. Дәстүрлі шараға биыл университетімізден 60 волонтер тартылған. Студенттер мен қоғам белсенділері қатарындағы прокторлар емтихан өткізудің адалдығын бақылау үшін жұмылдырылған. Прокторлар – оқу тобындағы барлық білім алушы студенттердің емтиханға қатысуына, жауап дайындау кезінде көмекші материалдарды пайдалану әрекеттерінің алдын алу және емтихан материалдарын сарапшыларға тапсырғаннан кейін тіркеумен айналысады. Казіргі уақытта олар онлайн және оффлайн емтихан барысында академиялық адалдықтың сақталуын бақылауда. Биылғы жылғы қысқы сессияға барлық пәндер бойынша жазбаша емтихандар енгізілді.
Айта кетсек, 2018 жылдан бастап біздің университет Академиялық адалдық Лигасына кірді. Студенттер мен оқытушылар тарапынан академиялық адалдықтың бұзылуы Әдеп жөніндегі комиссияның отырыстарында қаралатын болады
