Нұр-Сұлтан қаласында Тәуелсіздіктің 30 жылдығына орай республика бойынша білім және ғылым саласының өкілдері марапатталды. Салтанатты жиында жоғары білім беру жүйесін дамытуға қосқан елеулі үлесі үшін бір топ азаматқа ҚР Тәуелсіздігіне 30 жыл толуы құрметіне тағайындалған мерекелік медальді Білім және ғылым министрі Асхат Аймағамбетов табыстады. Құрметке бөленгендер арасында университетіміздің басқарма басшылары мен қызметкерлері де бар.
Қоғамға еңбектері сіңген «Халық алғысы» төсбелгісі профессор Жанар Таласпаеваға тапсырылды. Сондай-ақ, ауқымды жұмыс атқарып, университтің білім сапасын арттыруға үлес қосып жүрген «Қазақстан Тәуелсіздігіне 30 жыл» мерекелік медалімен: Қозыбаев университетінің Басқарма Төрағасы - Ректор Ерлан Шұланов, «Қазақ тілі мен әдебиеті» кафедрасының PhD докторы Гүлмира Мұхамеджанова, «Есеп және аудит» кафедрасының меңгерушісі Дінмұхаммед Шайкин марапатталды.
Бүгінде университетімізді жүйелі түрде жаңғырту мен алға тарту оқытушылардың жемісі. Оқу ордамыздың үздік деп танылған қызметкерлерін шын жүректен құттықтап, биік белестерден көрінулеріңізге тілектеспіз!
ҚР БҒМ баспасөз қызметінің фотосы
