ҚР Тәуелсіздік күні мемлекетіміздің еркіндігінің символы болып саналады. Егемен ел болып, еңсе тіктеп, белді буып, елдікті нығайтқанымызға 30 жыл. Осы аралықта халқымыз ата-бабаларымыздың мұрасын сақтай отырып, демократиялық, құқықтық және тәуелсіз мемлекет құра алды.
Еліміздің басты мерекесі қарсаңында ЖОО-да салтанатты жиын өтті. Басқарма Төрағасы-Ректор Ерлан Шұланов өз сөзінде: "Тұңғыш Президенттің экономиканы нарықтық жолға көшіру, мемлекетіміздің елордасын Алматыдан, Ақмолаға көшіру, еліміздің ертеңі үшін маңызды шешімдер қабылдау, этносаралық келісімнің бірегей институтын – ҚХА құру, Қазақстан халқының толеранттылығы мен бірлігі туралы бастамалары өзінің өміршеңдігін дәлелдеді. ҚР Білім беру саласында үлкен жұмыс атқарылды. Біздің ЖОО 30 жыл ішінде өзінің даму жолынан өтті. Обсерватория мен мұражайдың жаңа ғимараттары және бассейн салынды. Бүгін біз жаңғырудың жаңа кезеңінің алдында тұрмыз, жоғары оқу орнымызды жаңа деңгейге көтеру үшін әлемнің үздік университеттерімен жемісті ынтымақтастық орнаттық. 30 жылдан кейін біз қол жеткізген жетістіктер туралы да айта аламыз".
Жиналғандарға Қазақстан Ұлттық Жаратылыстану ғылымдары академиясының академигі, СҚО Құрметті азаматы Анатолий Башмаков және профессор, ҰҒА академигі Зарқын Тайшыбай құттықтау сөз сөйледі.
ҚР Білім және ғылым министрлігінің Құрмет грамотасымен аға оқытушылары Наталья Зыкова, Галина Квасных, Гүлнұр Мәжітова, доцент Оксана Копылова марапатталды. ҚР БҒМ алғыс хаттарын профессорлар Анатолий Плешаков пен Андрей Солодовник, сондай-ақ, "Агрономия және орман шаруашылығы" кафедрасының меңгерушісі Фариза Мұқанова наградталды. Білім саласындағы елеулі жетістіктері мен белсенді еңбек қызметі үшін академик Манаш Қозыбаевтың «Құрмет» медаліне алты адам ие болды.
Сонымен қатар, университет қызметкерлері мен оқытушылары Басқарма Төрағасы - Ректордың грамоталары мен алғыс хаттарын алды. "Nur Otan" партиясы СҚОФ төрағасының бірінші орынбасарының алғыс хаттарымен ЖОО өкілдері қатарынан жеті партия мүшесі марапатталды. Шара Қозыбаев университетінің шығармашылық ұжымдары мен талантты студенттері ұйымдастырған мерекелік концертпен ұласты.
