«Тілді оқыту барысында оқу фильмдерін көру және талқылау әдістемесі» тақырыбында аймақтық ғылыми-әдістемелік семинар

       М.Қозыбаев атындағы Солтүстік Қазақстан университеті Тіл және әдебиет институты «Практикалық қазақ тілі» кафедрасының ұйымдастыруымен 2022 жылдың 29 қаңтарында «Тілді оқыту барысында оқу фильмдерін көру және талқылау әдістемесі» тақырыбында аймақтық ғылыми-әдістемелік семинарын ұйымдастырылды. Семинарға М.Қозыбаев атындағы СҚУ тілдік кафедраларының профессор-оқытушылар құрамы, Солтүстік Қазақстан облысы «Тілдерді оқыту орталығы» КММ басшысының орынбасары Жанатов О.., мамандары, Солтүстік Қазақстан облысының мектеп және колледждерінің қазақ тілі мұғалімдері, барлығы 42 маман қатысты.

        Бұл семинар Қазақстан Республикасында мемлекеттік тілді меңгертудің әдіс-тәсілдерін, сондай-ақ қазақ тіліндегі отандық көркем және деректі фильмдерді көрсету арқылы тіл дамыту жұмыстарын жетілдіру мақсатында болып өтті. Семинардың күн тәртібінде қарастырылып отырған тақырып бойынша өзекті болып табылатын төмендегідей мәселелер талқыланады:

1. «Тілді фильм арқылы үйренудің екі жолы»
2. «Қазақ тілін оқытуда оқу фильмдерін көру және талқылау әдістемесі оқытушылар тәжірибесінде» (А1, А2, В1, В2 деңгейлері бойынша)
3. «Қазақ киносындағы отбасылық тәрбие көрінісі»

         Семинарда қарастырылған жоғарыдағы мәселелер бойынша қатысушылар өз тәжірибелерімен бөлісті, проблемалық сұрақтардың шешу жолданын жан-жақты талқылады.

         Сондай-ақ, семинарға қатысушы оқытушылар М.Қозыбаев атындағы Солтүстік Қазақстан университеті «Практикалық қазақ тілі» кафедрасының оқытушылары қазақ тілін қазақ кино туындылары арқылы оқыта отырып, ондағы материалдарды сабақта  тиімді қолдану жолдарын талқылады, өздерінің тұжырымды пікірлерін ортаға салды. 

         Жиын соңында «Практикалық қазақ тілі» кафедрасының меңгерушісі, п.ғ.к., доцент Ахметова Т.Ә. семинар жұмысын қорытындылап, оның жұмысына белсене қатысқан әлеуметтік әріптестерге және қатысушыларға алғысын білдірді.

         Семинар жұмысын қорытындысында төмендегідей шешім қабылданды:

1. Мемлекеттік тілді оқытудың әдістемесін жетілдіру мақсатында көркем және деректі фильмдер негізінде жаттығулар базасын жетілдіру;
2. Тілді деңгейлеп оқыту аясында ақпараттық технологиялардың мүмкіндіктерін пайдалана отырып, жаңа білім беру платформаларын меңгеру (бұл білім алушыларға қызықты болады деп ойлаймыз);
3. Аталған тақырып аясында шет тілін оқыту әдістемесіндегі тілдік әрекеттердің барлық түрін қамтитын жұмыстарды зерттеу, зерделеу.