Біздің студенттер тағы да үздік атанды! Бұл жолы «Дене шынықтыру және спорт» мамандығы бойынша оқитын Александр Зотов, Родион Разумов және Бекпулат Тілеуов. Бұл білім алушылар оқу озаттары, қоғамдық өмірге белсенді атсалысады және жоғары спорттық жетістіктерге ие. Александр – спорттық акробатикадан ҚР спорт шебері, Бекболат – қысқы Президенттік көпсайыстан ҚР спорт шебері, Родион – кёкушинкай каратэдан спорт шеберіне үміткер.
Олар Нұр-сұлтан қаласында өткен «Бөбек Жалпыұлттық қозғалысы» қауымдастық нысанындағы заңды тұлғалар бірлестігінің қолдауымен халықаралық студенттер қауымдастығы ұйымдастырған 2022 жылғы «ТМД-ның үздік студенті» халықаралық жобасының жеңімпаздары атанды. Конкурсқа өтінімдер ғылым, өнер және спорт бағыттары бойынша қабылданды. Сондай-ақ, қатысушылар басылымға ғылыми мақала немесе жоба ұсынуы қажет болды.
Біздің студенттердің жұмыстарының қорытындысы бойынша Тәуелсіз Мемлекеттер Достастығы елдері студенттерінің «ТМД-ның үздік студенті» атты кітап топтамасының IV нөмірінде жарияланды. Айта кету керек, кітапқа халықаралық, ұлттық және аймақтық олимпиадалар мен конференциялар лауреаттарының; жастар қоғамдық қозғалыстарының көшбасшылары мен белсенділерінің; ұлттық құрамалар мүшелерінің; Олимпиада ойындарының, халықаралық және спорттық жарыстардың жүлдегерлерінің ғылыми еңбектері енген.
Сондай-ақ, жас ғалымдарға көрсеткен қолдауы үшін алғыс хаттарды ғылыми жұмыстардың жетекшілері, біздің оқытушылар – Виктор Тулаев пен Елена Скворцова алды. Студенттерді жеңістерімен құттықтаймыз және жаңа биіктерге жетулерін тілейміз!
