Төртінші жыл қатарынан біздің білім ордамыз ҚР БҒМ «Атамекен» Ұлттық кәсіпкерлер палатасымен бірлесіп өткізетін білім беру бағдарламаларының рейтингісіне қатысып келеді. Тәуелсіз бағалау 19 критерий бойынша жүргізіледі. Атап айтсақ, түлектердің жұмысқа орналасу деңгейі мен орташа жалақысы, оқытушылар құрамының сапасы, аккредиттеу және білім беру бағдарламаларының өзектілігі сынды бағыттар бойынша.
2021 жылы республикалық ЖОО арасында біздің 7 білім бағдарамасы жүлделі орынға ие болды.
Бірінші орындар:
- «Агрономия»,
- «Мал шаруашылығы өнімдерін өндіру технологиясы»,
- «Орыс тілі мен әдебиеті».
Екінші орындар:
- «Дизайн»,
- «Мәдени-тынығу жұмысы»,
- «Шет тілі: екі шет тілі».
Үшінші орынды «Құқықтану» білім беру бағдарламасы иеленді.
Зерттеу деректері бойынша, елде жұмыс берушілер үшін университеттердің білім беру бағдарламаларының сапасы мен өзектілігі едәуір артып, қанағаттанарлық деңгейге жеткені байқалады. Жұмысқа орналасқан түлектердің саны өткен жылмен салыстырғанда 12% -ға өскен.
Біздің ЖОО-да 2021 жылы түлектердің жұмысқа орналасу пайызы 85%-ды құрады (көрсеткіш жалпыреспубликалық деңгейден жоғары). Олардың орташа жалақысы – 119 953 теңгені құрайды. Сонымен қатар, Қозыбаев университеті «Ауыл шаруашылығы және биоресурстар» бағыты бойынша қазақстандық ЖОО арасында көшбасшылар қатарына енді!
Жалпы рейтинг кадрларды даярлауда жұмыс берушінің мүдделерін ескеруге, жастар арасындағы жұмыссыздықты азайтуға көмектесуге және қазіргі заманғы жағдайда құзыретті жаңа формациядағы қызметкерлерді дайындауға арналған.