Қозыбаев университетінде «Математика және жаратылыстану ғылымдарының өзекті мәселелері» атты X Халықаралық ғылыми-практикалық конференция өтті. Биыл бұл шара доцент Р.А. Ақбердиннің 75 жылдығына арналды. Рифкат Абдуллович біздің білім ордамызда жарты ғасырдан астам уақыт жұмыс істейді. Еңбек жолын оқытушыдан бастап, математика кафедрасының меңгерушісіне дейін қызмет етті. Мыңдаған жас мамандарды даярлады. Ол кеңестік және Қазақстандық математика ғылымының дамуына үлкен үлес қосты. Оның «Графтар теориясы» атты жазған еңбегі отандық жоғары оқу орындарында базалық оқулықтардың бірі болып табылады. 100-ден аса оқу-әдістемелік жұмыстар жариялады. Рифкат Абдуллович конференцияға белсенді қатысты.
Отырысты инновациялар, интернационалдандыру және трансформация мәселелері жөніндегі Басқарма мүшесі Дәмел Мектепбаева ашты. Өз сөзінде ол Қозыбаев университетінің математика және жаратылыстану ғылымдары факультетінің еңбегін аса жоғары атап өтті. МЖҒФ профессор-оқытушылар құрамы қолданбалы және іргелі зерттеулер бойынша ҚР БҒМ ҒК гранттық қаржыландыру шеңберінде ғылыми жобалармен белсенді жұмыс істейді. 2018-2021 жылдары факультет ғалымдары жалпы сомасы 165 млн.теңгені құрайтын 5 грант ұтып алды.
Іс-шарада денсаулық сақтаудың өзекті мәселелері, математика мұғалімінің кәсіби өсуінің басым бағыттары, педагогикалық емес бағыттағы студенттерді математика әдістемесіне оқытудағы теориялық және практикалық дайындықтың үйлесімі және басқа да тақырыптар талқыланды.
Халықаралық конференция Ресей Федерациясының Алтай мемлекеттік университетімен, Сүргіт мемлекеттік педагогикалық университетімен, Сібір геожүйелер және технологиялар мемлекеттік университетімен бірлесіп ұйымдастырылды. Баяндамалар Қазақстан, Өзбекстан (Ташкент қ.), Ресей (Екатеринбург, Омбы, Новосибирск, Тюмень, Пермь, Барнаул және басқа қалалардың) ғалымдарынан түсті.
