Қозыбаев университетінде қысқы сессия ашық форматта өтті. Яғни, емтихандарға сыбайлас жемқорлыққа қарсы қызметінің байқаушылары мен сарапшылары қатысты. Сонымен қатар, студенттер арасынан проктор-еріктілер жұмыс істеді. Жалпы 61 адам емтиханның өткізу рәсімін тексерді (емтихан тапсырушылардың мәлімделген санына сәйкестігі, тыйым салынған заттарды аудиторияға алып өткен, көшірген білім алушылар, шпаргалкалар және т.б.). Сарапшылардың жұмысы қадағаланды. Бұл "Таза сессия" акциясы аясында жүзеге асырылды.
Осы аптада ең белсенді прокторлар салтанатты түрде марапатталып, академиялық мәселелер жөніндегі басқарма мүшесі Рената Апергенова балаларға сертификаттар табыстады.Сонымен қатар, кездесу барысында академиялық адалдықты сақтау, сессия барысында еріктілердің қызметіне кедергі келтіру мәселелері көтерілді. Айта кетейік, емтихандарда айтылған барлық ескертулер мен бұзушылықтар Әдеп жөніндегі кеңестің отырысында қаралып, оларды жою бойынша тиісті шаралар қабылданды.Сондай-ақ, студенттермен Қозыбаев университетін Аризона университетіне сенімді басқаруға тапсыру мәселесі талқыланды.