Қозыбаев университетінің студенттері облыстық мәслихат депутаты, жеңіл атлетикадан халықаралық дәрежедегі спорт шебері, Олимпиада жүлдегері Ирина Эктовамен кездесті. «Пекиндегі Олимпиада ойындары кезінде атақты спортшымен кездесу жастарға үлгі болып, спортшыларды қолдап, оларға жігер беру мақсатында ұйымдастырдық»,- дейді тәрбие жұмысы және әлеуметтік мәселелер жөніндегі Басқарма мүшесі Ақмарал Тұрғалеева.
Ирина Эктова – біздің университетіміздің , дене шынықтыру факультетінің түлегі. Ол өзінің спорттық мансабын қалпына келтіруде оқытушыларының маңызды рөл атқарғанын атап өтті: «Мен жаттығудан шаршап, өнер көрсетуге жалыққан кезде университет оқытушылары демеу білдіріп, қолдау көрсете білді. Бұл маған спортпен шұғылдануды жалғастыру үшін жаңа серпіліс берді. Одан кейін ұлттық құрама сапына түсіп, еліміздің атынан тағы 3 рет Олимпиада ойындарында өнер көрсеттім».
Кәсіпқой спортшы жеңіл атлетикамен 24 жыл айналысатынын айтты. Студенттер үшін үлкен жарыстардың шымылдығы, еріксіз спорттық жарақаттарды жеңу, ерік-жігерді дамыту туралы тыңдау қызықты болды. Олар өздерін қызықтырған сұрақтарын қойды. Солардың бірі, спортшының тұғырда тұрған кездегі сезімі жайлы болды. «Халықаралық жарыстарда өз Отаныңның атынан шыққандағы сезімді айтып жеткізу мүмкін емес. Бұл елге деген мақтаныш, отансүйгіштік, қуаныш сезімі. Сонымен қатар, басынан өткеруге тура келген барлық қиындықтар туралы естеліктер», - деп бөлісті Ирина Эктова.
