Университетімізде алғаш рет Ғылым департаменті ғалым әйелдер мерекесін ұйымдастырды. Инновациялар, интернационалдандыру және трансформация мәселелері жөніндегі Басқарма мүшесі Дәмел Мектепбаева ғылым саласында жүрген нәзік жандыларды құттықтады. Оның айтуынша, еліміздегі ғалымдардың жалпы санының 54 пайызын әйелдер құрайды екен. Сондай-ақ, өз сөзінде білім ордамызда ғылымның дамуына да үлкен үлес қосқан әйелдер қауымы аз емес екенін атап өтті: «Біздің мақсатымыз– әйелдердің ғылыми зерттеулерге бірдей қолжетімділігін қамтамасыз ету және оларды ғылыммен айналысуға ынталандыру».
Бұл күні университеттің профессор-оқытушылар құрамы арасынан қазақстандық ғылымның дамуына үлес қосқан ғалымдарға алғыс хаттар табысталды. Олар ғылыми гранттар бойынша жобаларды жүзеге асырған филология, химия, математика, ауыл шаруашылығы, тарих, педагогика салаларындағы ғылым кандидаттары мен докторлары қатарында:
1. Гүлмира Мұхамеджанова
2. Алтын Шаяхметова
3. Майра Кәкімова
4. Жанар Таласпаева
5. Ирина Шмигирилова
6. Зәуре Картова
7. Эльмира Қантарбаева
8. Күлбарам Баязитова
9. Ирина Голодова
10. Антонина Дюрягина
11. Зинаида Табакова
12. Светлана Луцак
Шараға қатысқан әйелдер қауымы өз жетістіктері туралы әңгімелеп, жалпы қыз-келіншектердің ғылымға, инновацияға қосқан үлесін арттыру мәселелерін талқылады. Нәзік жанды ғалымдарымызға жаңа табыстар, амандық және бақыт тілейміз!
