«Жігіт сұлтаны 2022» сайысының жеңімпазы анықталды. Асыл тастан, өнер жастан және жігітке жеті өнер де аз деп халқымыз бекер айтпаған. Университеттің 11 қатысушысы «Жігіт сұлтаны» байқауында өзара мықтыны анықтады. Жігіттер шығармашылық, тапқырлық, көшбасшылық қасиеттерін көрсетіп, өздерінің бар қабілеттерін ортаға салды. Басқа байқаулар секілді жігіт сұлтаны жыл сайын жетіле түсіп, оған қатысқысы келетін студенттердің саны арта түсті. Сайыс барысында университетіміздің талантты студенттері 3 кезең бойынша өзара бақ сынасып, мықты екендіктерін байқатты.
Байқау барысында қатысушылар таныстыру, шығармашылығын ортаға салатын кезеңдер бойынша сынға түсті. Атап өтсек: алғашқы кезеңде олар өз-өздерін таныстырып. Байқаудың 2 кезеңінде сері жігіттер әдеттегідей шығармашылық дарындарын паш етіп, ән салып, музыкалық аспаптарда ойнап өнерлерін көрсетті. «Серілер айтысы» атты соңғы кешеңде қатысушылар зияткерлік, спорттық, пікірталас бағыттары бойынша өздерінің көшбасшылығын дәлелдеді.
Әрбір қатысушы құнды қасиеттері бойынша бағаланып, барлығына дипломдар табысталды. Табысты тұлға, шебер актер, сегіз қырлы, бір сырлы, ең мықты және т.б аталымдар бойынша жеңімпаздар үлестірілді. Ал, байқаудың басты жеңісі «Жігіт сұлтаны 2022» атағын Тіл және әдебиет институтының студенті Ертөстік Планбек жеңіп алды.
