Стратегия және білім сапасы департаментінің директоры, педагогика ғылымдарының кандидаты, доцент Марина Погребицкая аккредиттеу және рейтингтің тәуелсіз агенттігінің (АРТА) үздік сарапшыларының бірі болып танылды. Бұл сарапшылардың қатарына ену тек кәсіпқойлықтың жоғары деңгейін ғана емес, сондай-ақ, белсенді өмірлік ұстаным мен қазақстандық білім беруді дамытуға қосқан елеулі үлесін де көрсетеді.
Марина Владимировна сарапшы ретінде өзінің еңбек жолында 30-дан астам қазақстандық және ресейлік жоғары оқу орындарын бағалауға, нормативтік-құқықтық құжаттар мен аккредиттеу стандарттарын әзірлеуге, сарапшыларды оқытуға қатысты. М.Қозыбаев атындағы СҚУ 94 білім беру бағдарламасын аккредиттеуге дайындауға басшылық еттіп, қазақстандық және шетелдік агенттіктердің тексеруінен сәтті өткен.
«АРТА» тарапынан жоғары баға алғаныма өте қуаныштымын. Сарапшы ретінде қалыптасу жолым оңай болды деп айта алмаймын. Бұл мен үшін маңызды қадамдардың бірі. Аккредиттеу процесін дамытуға белсенді қатысу маған жаңа жеке және кәсіби құзыреттерді қалыптастыруға, баға жетпес тәжірибе алуға және кәсіби байланыстар шеңберін кеңейтуге мүмкіндік берді», – деді Марина Владимировна.
Қазақстандағы аккредиттеу жүйесі 1999 жылдан бастап қалыптасты. Бастапқыда аккредиттеу мемлекеттік рәсім ретінде дамыды және қоғам тарапынан қатты сынға ұшырады. 2004 жылы Қазақстанда алғаш рет CAMAN Орталық Азия менеджментті дамыту қоры қоғамдық аккредиттеу үшін бизнес-және экономикалық білім сапасы бойынша сарапшы - аудиторлардың бірінші тобын дайындады. Олардың арасында Марина Погребицкая да болды. Бір жылдан кейін бұл аудиторлар ЖОО аккредиттеу рәсімін өткізу тәртібін әзірлеу бойынша ҚР БҒМ жұмыс тобының құрамына кірді.
Бұдан әрі қоғамдық аккредиттеу тәжірибесінің арқасында Марина Погребицкая ҚР Білім және ғылым министрлігінің Ұлттық аккредиттеу орталығының сарапшысы, кейін аккредиттеу және рейтингтің тәуелсіз агенттігінің сарапшысы және сараптама кеңесінің мүшесі болды. Сонымен қатар, 2012 жылы білім беру және мансапты дамыту сапасын қоғамдық бақылау агенттігінің (РФ) сарапшысы болып қызмет атқарды.
