Студенттік спартакиада аясында университет студенттері мен магистранттары арасында үстел теннисінен жарыс ұйымдастырылды.Теннис ойыны үлкен шыдамдылықты талап ететін, қарқынды атлетикалық ойын. Кезекті додада әр факультеттен команда құрылып, өзара сайысқа түсіп, бақ сынасты. Жарыс ұлдар мен қыздар арасында бөлек командалық біріншілікте өтті. Ойын барысында ерекше ойын тәсілдерін көрсеткен 8 командадан 4 команда суырылып финалға шықты.
Жалпы жарыс 3 айналымнан құрылды. Финалда кездескен құрамалар арасында ойын ерекше қыза түсті. Кездесу үш партияға созылып, жанкүйерлерге жылдамдық пен шапшаңдықтың ерекше үлгісін көрсетті.
Ойынның қорытындысы бойынша жеңіс, қимыл қозғалыстарының жылдамдығы, шабуылдарының шапшаңдығымен ерекшеленіп, басымдыққа ие болған ТЭҚФ құрамасының пайдасына шешілді. Сонымен қоса, «Үздік ойыншы» атағын спорт шеберіне үміткер қатарындағы Жазира Сандыбай жеңіп алды. Жүлделі 2 орынды АФ командасы иеленсе, 3 орынға ТжӘИ жайғасты. Құттықтаймыз!
