2022 жылғы 23-24 ақпанда М.Қозыбаев атындағы Солтүстік Қазақстан университетінде Zoom платформасында (ID 3089508250, кіру коды: 245701) тілдік емес мамандықтардың 1 курс студенттері арасында ағылшын тілінен аймақтық студенттік онлайн олимпиадасы өтті. Олимпиаданың ұйымдастырушысы "Шет тілдер" кафедрасы болды. Олимпиадаға 38 студент қатысты: М. Қозыбаев атындағы СҚУ (23 адам), Б.Әшімов атындағы Петропавл теміржол көлігі колледжі (3 адам), Солтүстік Қазақстан жоғары медициналық колледжі (4 адам), Петропавл құрылыс-экономикалық колледжі (4 адам), гуманитарлық-техникалық колледжі (4 адам).
Олимпиаданың басты мақсаты - шет тілін білу жас маманның бәсекеге қабілеттілігінің негізгі факторы болып табылатын қазіргі әлемде студент жастардың зияткерлік әлеуетін ашу, таланттарын анықтау және дамыту, шет тілін меңгеру дағдыларын көрсету.
Олимпиада "Шет тілдер" кафедрасының меңгерушісі, ф.ғ.к., доцент Ирина Александровна Олькованың алғы сөзімен басталды. Олимпиада екі турда өтті. Бірінші турда тыңдалым және оқылым тапсырмалары қамтылды. Бірінші турдың қорытындысы бойынша екінші турда қарым-қатынас дағдылары мен ағылшын тілін меңгергендігін көрсететін үздік он студент анықталды. Студенттердің дағдыларын бағалау үшін "Шет тілдер" кафедрасының ПОҚ құрамында: магистр, аға оқытушы Өмірзақова Т.Е., магистр, аға оқытушы Сырымбетова Д.С.; "Шет тілдер" оқытушысы Жүсіпова А.Р. қазылар алқасы құрылды.
Орындар келесідей бөлінді:
1 орын – Шакеева Диана, ХБ-21 тобы
2 орын-Белобородова Валерия, Қ-21 тобы,
Қали Бекзат, ИЖ-21 тобы,
3 орын - Филатова Валерия, PR-Ж-21 тобы,
Ленгард Андрей, РИЖАЖ-21 тобы,
Абат Жанбике, ГТ-21 тобы
Жауаптылар: ШТ кафедрасының ПОҚ
Сырымбетова Д.С.
Өмірзақова Т.Е.
Жүсіпова А.Р.
