1 наурыз– Қазақстанда криминалистикалық қызметтің құрылған күні. Кәсіби мерекелерінде СҚО полиция департаментінің қызметкерлері біздің ЖОО «Құқықтық пәндер» кафедрасының студенттерімен кездесті.
Іс-шарада болашақ заңгерлерге полицияның барлық бөлімшелерінің ғылыми қызметі туралы айтылды. СҚО ПД жедел-криминалистикалық басқармасының бас криминалисті Александр Хлевов қаңтар айындағы оқиғалар барысында Алматыда тонау оқиғаларын тергеуге қатысу тәжірибесімен бөлісті. Оған террористердің шабуылына ұшыраған объектілерде заттай дәлелдемелерді тексеріп, тіркеп, баллистикалық сараптама жүргізуге мүмкіндік берілді.
«Иә, біз өз жұмысымызды атқарсақ та, қайғы-қасіретке толы күндері мүлкін жоғалтқандардың заттарын тауып, бейбіт тұрғындардың қауіпсіздігін сақтағанымыз үшін алғыстарын айтты. Бұл біз үшін өте маңызды», дейді Александр Хлевов.
СҚО ПД аса маңызды істер жөніндегі аға анықтаушы Раушан Бәкеева болашақ заңгерлерді тергеушінің, анықтаушының, криминалисттің жұмысы туралы хабардар етті. СҚО бойынша ПД ұйымдастырған «Үздік болашақ тергеуші» атты эссе байқауына қатысу осы мамандықтардың студенттер арасында қаншалықты сұранысқа ие екенін көруге болады. «Жыл сайын білім алушылардың жұмыс деңгейі өсіп келеді, олардың талдау жасап, жазу барысында тарихқа терең үңілгендері көрініп тұр», -деп атап өтті Раушан Бәкеева.
СҚО бойынша ПД бастығының тергеу жұмысы жөніндегі орынбасары, полковник Еңбек Сембин конкурс жеңімпаздарына грамоталар мен сыйлықтар табыс етті.
1 орын Асылбек Қапаров (Қ-18 тобы)
2 орын Карина Құсайынова (Қ-20қ тобы)
3 орын Әмір Жаманбаев (Қ-20 тобы)
Кездесуден кейін полиция қызметкерлері «Құқықтық пәндер» кафедрасының аға оқытушысы Александр Лободамен бірлесіп «Тергеу әрекеттерін жүргізу бойынша криминалист-маманның, тергеушінің жұмысы» тақырыбында дәріс өткізді. Іс-тәжірибеден алынған мысалдармен балаларға оқиға орнын тексеру, іздер мен заттай дәлелдемелерді алу қалай жүргізілетіні көрсетілді.
