Өндіріспен бірге факультетте теориялық білім алу – бүгінгі заманның ЖОО тренді. Жоғары оқу орнында оқу кезеңінде қажетті практикалық құзыреттерді алу есебінен біздің түлектеріміздің еңбек нарығындағы бәсекеге қабілеттілігін арттыру, соның ішінде тиісті сертификаттарға ие болу. Мұндай курс Қозыбаев университетінде нәтижелі түрде іске асып келеді.
Университетте тағы бір сертификаттау орталығы ашылды. Бұл жолы Агротехнология факультетінде «BayDala» ЖШС-мен бірге. «Ауыл шаруашылығы өсімдіктерін қоректендіру технологиясы» орталығының салтанатты ашылуына облыстың жетекші ауыл шаруашылығы құрылымдарының, СҚО ауыл шаруашылығы басқармасының өкілдері қатысты. Олар Агротехнология факультетімен бұдан әрі де бірлесе жұмыс істеуге дайын екенін атап өкен жөн.
«Агрономдарға үлкен сұраныс бар. Бірақ бірден барлығы дайын мамандарды жұмысқа алуды қалайды. Сондықтан, жоғары оқу орнында неғұрлым көп дағдылар мен білім алсаңыз, болашақта соғұрлым сұранысқа ие боласыз»,- деді аграрийлер салтанатты ашылу рәсіміне қатысқан АФ студенттеріне.
Сертификаттау орталығы облыстың білім алушылары мен фермерлеріне тыңайтқыштармен қолданудағы озық технологиялар мен топырақ құнарлылығын арттыру бойынша қосымша білім алуға мүмкіндік береді. Болашақта олар орталықта оқу процесін жүргізе алулары үшін, алдымен, мұнда агротехнологиялық факультеттің ПОҚ қатарынан жаттықтырушы-оқытушылар оқытылады.
Студенттер тыңайтқыштарды қолдану жүйесі туралы білім алады, олардың түрлік құрамын, өсімдіктердің жауаптылығын анықтау технологиясын зерттейді. Балаларға тыңайтқыштардың неліктен сіңбеу факторларын, өндірістік жағдайда туындайтын басқа қауіптер мен нюанстар туралы айтылады. Мұның бәрі таңдалған мамандықты тереңірек білуге мүмкіндік береді. Студенттер мен педагогтар үшін мұндай оқыту тегін болатыны маңызды. Сондай-ақ агрономия саласындағы жас ғалымдардың ғылыми әзірлемелерін іске асыру бойынша жағдайлар жасайды. Сонымен қатар, студенттер «BayDala» ЖШС-да практикалық сабақтарға қатыса алады.
Айта кетейік, бұл компания дақылдарды тамақтандырудың жеке жүйесін әзірлеуге, топыраққа кешенді агрохимиялық талдау жүргізуге, сондай-ақ, тыңайтқыштар енгізу бойынша консультациялар мен ұсынымдар беруге маманданған. Ұжымның 70% - дан астамы, соның ішінде компания директоры – біздің альма-матердің түлектері.
