Жас ғалымдар кеңесі ұйымдастырған СҒҚ ғылыми жетістіктер көрмелерінің байқауы үшінші рет өткізіліп отыр. Бұл жолы конкурсқа 15 студенттік ғылыми қоғамның өкілдері өтініш білдірген. Әрбір СҒҚ ережеге сәйкес 2 қатысушыдан ұсынылды. Байқаудың комиссия мүшелері 10 күн ішінде студенттердің өткен жылдағы ғылыми қызметтерінің нәтижелерін көрсеткен көрмелерді аралады. Көрменің экспонаттары ретінде презентациялар, дипломдар, сертификаттар, басылымдар ұсынылды.
Қазылар алқасы ғылыми компонентті, практикалық нәтижелердің болуын, студенттік зерттеулердің дербестігін, олардың өңір мен ҚР шеңберіндегі өзектілігін, курстар арасындағы СҒҚ жұмысының сабақтастығын және т.б. бағалады.
Байқау қорытындысы бойынша үздік деп танылған жұмыстар:
-Агротехнологиялық факультетінің «Картопты in vitro жағдайында микроклоналдық көбейту»,
-Тіл және әдебиет институтының «Әдебиеттану ғылымының өзекті мәселелері»,
-Инженерлік және сандық технологиялар факультетінің «Радиоэлектронды және телекоммуникациялық жүйелерді модельдеу».
Әрбір үздік СҒҚ жас ғалымдар кеңесінің қорынан әрі қарай ғылыми зерттеулерге 50 000 теңге мөлшерінде қаражат алады. Қозыбаев университетінде 62 студенттік ғылыми қоғам жұмыс істейді. Олар әр факультетте ашылған. Ғылыми жұмысқа 700-ге жуық білім алушы тартылған.
