Жылулықты паш ететін– Халықаралық әйелдер күні қарсаңында нәзік жанды аруларға арналған мерекелік шара ұйымдастырылды. Мерекелік шараны Басқарма Төрағасы– Ректор Ерлан Шұланов құттықтау сөзбен ашып, әр факультеттің оқытушы және қызметкер қыз-келіншектеріне жылы лебізін білдіріп, сондай-ақ, университет қызметкерлерінің көпшілігі әйелдер қауымы екендігін атап өтті.
Ер азаматтар аруларға арнап раушан гүлін тарту етті, мерекелік атмосфераны қалыптастырып қана қоймай жылы көңіл-күй сыйлап, жүздеріне күлкі ұялатты.
Ардақты әйелдер қауымы университет жұмысының әр түрлі бағыттарында табысты қызмет атқарып, студенттерге сапалы білім береді. Бұл нәзік жандылардың күн сайын адал ниетпен жасайтын игі істері. Күнделікті қарбалас жұмыс барысында емес, мерекелік көңіл-күймен өткен шара ешкімді де бейжай қалдырмады. Барлық қыз-келіншектерді 8 наурыз мерекесімен құттықтаймыз! Жарқыраған жүздеріңізден күлкі кетпей, жүректеріңіз әрқашан махаббатқа толы болсын деп тілейміз!
