Өсімдіктерді қоректендіру жүйесі саласында негізгі білім мен дағдыларды меңгеруге ұмтылатын студенттер үшін факультет «BayDala» компаниясымен бірлесіп кәсіби сертификаттауға жол ашты.
Бүгін «Ауыл шаруашылығы өсімдіктерін қоректендіру технологиясы» оқыту сертификаттау орталығы өз жұмысын бастады.
Аздап серіктес туралы: «BayDala» компаниясы - импорттық минералды тыңайтқыштарды сатудың көшбасшысы болып табылады және дақылдарды қоректендірудің жеке жүйесін әзірлеуге, топыраққа кешенді агрохимиялық талдау жүргізуге, сондай-ақ тыңайтқыштарды енгізу бойынша консультациялар мен ұсынымдар беруге маманданған.
Тәжірибелі мамандар мен жетекші менеджерлер оқуды сүйемелдейді, білімін бағалайды және студенттерді сертификаттайды. Білім алушылар тәжірибелік дағдыларды серіктес компанияның агрохимиялық зертханасында және «AgroTest» тәжірибелік алаңдарында нығайта алады.
Кәсіби сертификат иегерлері жұмыс берушілерге өсімдіктердің қоректену жүйесі саласындағы жоғары кәсіби деңгейін көрсетеді және заманауи агробизнестің сұраныстарына сәйкес келетін болады.
Сонымен қатар, кеңес беру қызметтері мен тренингтер аймақтың барлық мүдделі фермерлеріне қол жетімді болады.
Бізді бүгін біздің серіктестеріміз, облыстың ауыл шаруашылығы құрылымдарының басшылары қолдады: Барлубаев Н. С. – «Арқалық» ШҚ директоры; Тогжигитов Б. Б. – СҚО әкімдігінің ауыл шаруашылығы және жер қатынастары басқармасының агрономиялық бөлімінің басшысы; Жаныбеков С. А. – «Молсервис» ЖШС директоры; Утебай Р. Б. – «Эталон Агрохим» ЖШС директоры; Баукенов Х. И. – «Полтавское» ЖШС агрономы.
