Керемет жаңалықтармен бөліспекпіз! Студенттік үкімет президенттігіне үміткерлікке түскен 5 студент ішінен 78 дауыс артықшылығымен МЖҒФ студенті Дарья Козик алға озып шықты.
Бойжеткен бастапқы курстан ғылыми-зерттеу жұмыстарына үлкен қызығушылық танытып, университет өміріне белсенді қатысып жүр. Ол «Органикалық заттардың химиялық технологиясы» мамандығы бойынша білім алуда. Дарья бүгінде инженерлік мамандықтар бойынша академиялық комитеттің, МЖҒФ Академиялық сапа кеңесінің мүшесі, ОЗХТ-19 тобының көшбасшысы және шығармашылық, волонтерлік қызметте де өзін көрсете білді.
Оқу ордамызда алғаш рет Студенттік үкіметтің президентін сайлауға арналған ауқымды шара өтті. Үміткерлер сайлауалды пікірталастарға қатысып, әлеуметтік желілерде таныстырылымдарын ұсынды. Студенттік үкіметтің президенті болу мерзімі 1 оқу жылын құрайды. Осы уақыт аралығында ол, университет студенттерінің мүддесін қорғайды, іс-шаралар өткізеді, студенттік үкіметтің жұмысын үйлестіреді, қажетті ақпаратпен қамтамасыз етіп, студенттік үкіметтің жалпы отырыстарын ұйымдастыруы тиіс.
«Студенттердің қоғамдық, бастамашыл қызметтерінің айрықша ортасын құру негізгі мақсатым» - дейді Дарья Козик. Студенттік үкіметтің президентіне жаңа серпін, алға қойған барлық мақсаттары орындалсын деп тілейміз!