1 наурыз елімізде жалпыхалықтық мереке – Алғыс айту күні. Бұл күні қазақстандықтар бір-біріне құрмет көрсетіп, ризашылығын білдіреді. Осыған орай, практикалық қазақ тілі кафедрасының оқытушылары 1 курс студенттерге арнап, «Алғыс айтамыз» атты тақырыптық сабақтарды ұйымдастырып, өткізді. Алдымызға қойылған мақсатымыз: білімалушыларды адамдардың өзара қарым-қатынастағы ынта-ықылас, жан-жылуы мен жақсылықты сезініп, бағалай алуға үйрету. Сыйластық құндылықтарын, жақсылықты түсіне білу дағдыларын дамыту. Елімізде тұрып жатқан әр түрлі ұлттар мен ұлыстардың арасындағы достық пен ынтымақтастықты дәріптеу, салт - дәстүрін, мәдениетін өзіндік үлгі өнегесін оқушылардың бойына сіңіру. Бейбітшілікте татулықта өмір сүруге тәрбиелеу.
