Белгілі болғандай, "Журналистика" кафедрасының меңгерушісі Айсұлу Жақсылыққызы Шайкенова қазір АҚШ-та тағылымдамадан өтуде. Осыған қарамастан, Қазақстанда оның сіңірген еңбегі есінде. Халықаралық әйелдер күнін мерекелеу құрметіне, сондай-ақ әскерлердің қызметін қамтамасыз ету бойынша ҚР Ұлттық ұланымен өзара іс-қимылы мен жемісті ынтымақтастығы үшін ол "Қазақстан Республикасының құқықтық тәртіп әскеріне 30 жыл" төсбелгісімен марапатталды.
Ал қазіргі уақытта "Журналистика" кафедрасының меңгерушісі міндетін атқарушы Татьяна Александровна Морозова Халықаралық әйелдер күнін мерекелеу құрметіне және Ұлттық ұлан Академиясының жеке құрамын рухани-адамгершілік және эстетикалық тәрбиелеуге белсенді қатысқаны үшін Қазақстан Республикасы Ұлттық ұланы Әскери институты бастығының міндетін атқарушы И.Сағындықовтың грамотасымен марапатталды.
