Білім ордамызда ҚР Президенті Қасым-Жомарт Тоқаевтың ел халқына «Жаңа Қазақстан: жаңару мен жаңғыру жолы» атты жолдауына арналған отырыс өтті. Университет ұжымының әр қызметкері бір ауыздай атсалысып, президенттің әлеуметтік тұрғыдағы баса назар аударған бағыттарын ұйып тыңдап, зейінді ойларымен бөлісті.
«Тарихшы ретінде, айта кететін үлкен мәселе- облыстардың қайта жандануы, қайта түлеуі. Мәселен, Семей облысының Абай облысы деп аталуы бұл тарихи мәні бар зор қадамдар. Сондықтан, Жолдау - үлкен ахуал, өзгеріс»,- деді Басқарма Төрағасы- Ректорының кеңесшісі Ақмарал Ыбыраева
Бірінші кезекте Ел Президентінің жолдауы- еліміздің алдағы әлеуметтік-экономикалық дамуының басым бағыттары туралы, саяси реформалардың жаңа бағдарламасын жүзеге асыру шараларына арналған. Сондай-ақ, Қасым-Жомарт Тоқаев Президенттің өкілеттіктерін өзгертуді, биліктің өкілді тармағын реформалауды, Парламенттің рөлін күшейтуді, құқық қорғау институттарын нығайтуды, БАҚ-тың бәсекеге қабілеттілігін арттыруды, азаматтық қоғам институттарының рөлін күшейтуді ұсынды.
«Бұқаралық ақпарат құралдары бәсекеге қабілетті және еркін болуы керек. Бұл қағидат қазір кез-келген өркениетті ел үшін айрықша маңызды»,- деді Мемлекет басшысы.
ҚР Президенті Қасым-Жомарт Тоқаев елдің табысты дамуына бағытталған экономикалық және әлеуметтік сипаттағы нақты қадамдардың шешімін ұсынды. Үндеу университет ұжымы мен студенттері арасында қызу талқыға түсіп, кең қолдау тапты.
