15.03.2022 ж. "Практикалық қазақ тілі" кафедрасының ұйымдастыруымен наурыз мерекесіне орай "Қазақ халқының салт-дәстүрлері" атты тәрбие сағаты өткізілді. Шараның басты мақсаты - мемлекеттік тілдің аясын кеңейтіп, жастарға ұлттық салт-дәстүрімізді насихаттап, ұлтжандылыққа тәрбиелеу. Шараға университетіміздің бірінші курс (қазақ тілін меңгеруі бойынша А1, В1) студенттері қатысты. Шара барысында білім алушылар қазақтың салт-дәстүріне байланысты танымдық сұрақтарға жауап берді, "Мықты болсаң, тауып көр" тақырыбында сурет бойынша ұлттық рәсімдерді анықтауға арналған тапсырмалар орындады. Сонымен қатар А1 деңгейінің студенттері "Сүйінші", ал В1 деңгейінде оқитын білім алушылар "Азан шақырып ат қою" атты сахналық көрініс қойды. Шара студенттер үшін тартымды, қызықты өтті.
