Ел Президентінің халыққа арнаған жолдауында жаңа саяси реформаларды жүзеге асыру және бірқатар әлеуметтік-экономикалық мәселелер көтерілді. Жиынды ашқан Басқарма Төрағасы-Ректор Ерлан Шұланов, Президенттің жолдауын жан-жақты талқылау және профессорлық-оқытушылар құрамы мен студенттерді осы құжатта көрсетілген іс-шаралар кешенін іске асыру үшін белсенді жұмыс атқару мақсатында өткізіліп жатқандығын атап өтті.
«Мемлекет басшысының биылғы жолдауы бұрын соңды болмаған ауқымды құжат және жаңа Қазақстанды құру жолындағы жаңа қадамдардың бірі деп есептеймін. Бұл жолдауда өте маңызды хабарламалар, тақырыптар қозғалды. Мемлекет басшысы еліміздің Президенті болып сайланғаннан бері саяси өзгерістердің іргелі сипаты басталды. Осы уақыт ішінде реформалардың 4 пакеті іске асырылған болатын. Енді ағымдағы жолдау мемлекет атқарған жұмысты бекітті. Сондықтан еліміз үшін лайықты және қажетті қадамдарды халық, зор ықыласпен қабылдады»,-деді «Қазақстан тарихы және әлеуметтік- гуманитарлық пәндер» кафедрасының оқытушысы Саягүл Жәкежан
Отырыста қатысушылар елдің құрылымы мен партиялық жүйе, әкімшілік- аумақтық бірлікті жетілдіру тақырыптары бойынша сөз қозғады.
