Құрт, бауырсақ, ірімшік, сары май сынды дәстүрлі тағамдармен дастарханды көмкеріп, жаңару мен жаңғыру кезеңі атанған Наурыз мерекесін - университет студенттері асыға күтетін ерекше мейрам. Ұлыстың Ұлы күніне орай университет алаңында ақ қанатты киіз үй тігілді. Онда ЖОО-ның ұжымы ұлттық тағамдарды дастарханға үйіп-төгіп, құттықтай кірген қонақтарды дастарханнан ауыз тиіп, дәм татуға шақырды. Меймандарға мерекенің басты дәмі наурыз көже, палау, бауырсақ және қымыз сияқты ас тарту етілді.
Халқымыздың салты сақталып, дәстүрі дәріптелген шарада қаз тұрып, тәй-тәй басқан баланың тұсауын кесіп, думандатты. Сонымен қоса, жиылғандардың жақсы көңіл-күйлерін: арқан тарту, қыз қуу, күрес, сынды ұлттық ойындарда өз бақтарын сынауға асыққан білім алушылардан байқадық.
«Бүгінгі күні көктем мен бірліктің мерекесі. ҚХА тәжік диаспорасының өкілдері барлығына мерекелік палау әзірледі. Ежелгі мереке дәстүрлердің сабақтастығын сақтайды. Сондықтан, баршаңызды көктемгі жаңару мерекесімен құттықтаймын»,- деп Басқарма Төрағасы-Ректор Ерлан Шұланов.
Көпшілік назарына білім ордамыздың өнер ұжымы мен жеке орындаушылары дайындаған концерттік бағдарлама ұсынылды. Шабыттана, шарықтай салған әуендер, билер, ақ тілектер мерекелік көңіл-күйді өз шыңына жеткізді.
