Наурыз – көктем мен жаңа жылдың басталуымен, табиғаттың оянатын мезгілімен байланыстырылған көне заманның әсем мерекелерінің бірі. Бұл мереке мәдени әртүрлілікті сақтауға, бейбітшілікті, халықтардың тату көршілікті, адамдардың ынтымағы мен келісімін орнатуға ықпал етеді.
Қазақстан халқы үшін бұл мереке табиғаттың оянғанын, жаңа өмір циклінің басталуын бейнелейді, жақсы өмірге деген үмітті, айналадағы адамдармен және отбасы мүшелерімен жақсы қарым-қатынасты бейнелейді.
2022 жылдың 20 наурызында №1 оқу ғимаратының алдындағы алаңға көктем мерекесін тойлау мақсатында университет басшылығы, қызметкерлері, профессор-оқытушылар құрамы мен студенттері көп жиналды.
ССП кафедрасының профессорлық-оқытушылар құрамы мен студенттері педагогикалық факультеттің мерекелік дастарханын безендіруге атсалысып, баршаның көңілін көтерді.
