Университетіміздің бірқатар қызметкерлері мен профессор-оқытушылар құрамына мемлекеттік наградалар табыс етілді. Бүгінде Қозыбаев университетінің ПОҚ құрамы белсенді, табанды, заманауи біліммен қаруланған. ҚР Мемлекет басшысының елордада өткен салтанатты рәсімінде мәртебелі «Құрмет» орденін ТЭҚФ деканы Зәуре Картоваға табыс етті. Зәуре Картованың білім мен ғылым саласына қосқан үлесі аз емес. Бүгінде, іргелі оқу ордамызда өз қызметін беделді атқарып, «Рухани жаңғыру» бағдарламасын жүзеге асыру бағытында да игі жұмыстары жетерлік.
Ғылым жүйесін жаңа белеске шығарып жүрген біліктілер қатарында Басқарма Төрағасы- Ректордың кеңесшісі Ақмарал Ыбыраева да бар. Қозыбаев университетінің білім беру үрдісінің дамуына үлкен үлес қосқаны үшін дәл осындай «Құрмет» төсбелгісі марапатына ие болды.
«Парасат» орденімен адам құқықтары мен оның әлеуметтік мүдделерін қорғау жөніндегі белсенді жұмыстары үшін, соның ішінде, ғылымға, оқу ордамыздың рухани әлуетін дамыту мен молайтуға зор үлес қосқан аға оқытушы Павел Афанасьев марапатталды. Университет үшін бар білімін, қуаты мен күшін жұмсауға әзір профессор-оқытушылар құрамы мен қызметкерлердің жоғары кәсібилігі, іскери этиканың стандарттарына сай еңбектерінің жоғары деңгейде бағалануымен құттықтап, одан да биік шыңдарды бағындыруларына тілектеспіз!
